Organizatorojo mejemjetanja w Bukecach přihotuja za tutón wjeršk mału fotowu wustajeńcu z fotami Bukečanskeje drastoweje skupiny.
Wotpowědny foto shooting wotmě so poslednju sobotu w Bukecach.
Mejemjetanje w Bukecach budźe sobotu, 24. meje, w 14.30 hodź. na Karla Marxowym naměsće.
Skupina Serbska reja a dujerjo wosady přewodźeja wustup drastoweje skupiny.
Přizamknje so pisany program na žurli „Wjesneje hospody“ ze skupinu Serbska reja, z duwom Leichtfuß a Liederliesel za dźěći, dudakom a fotowej wustajeńcu.
Wo ćělne derjeměće je postarane.