05. decembra w Bukecach wotewrjena fotowa wustajeńca je hišće hač do 30.06.2026 k wotewrjenskim časam gmejnskeho zarjada widźeć. Fotograf Tilo Aé z Brandisa pola Lipska je tutón jónkrótny projekt hromadźe z holcami a žonami Bukečanskeje wosady zwoprawdźił. Na 18 fotach su wšelake warianty drasty ewangelskich Serbow Budyskeho kraja widźeć. W Bukecach chodźachu hišće hač dosrjedż 19. lětstotka w tutych drastach. Po tym so wona poněčim ze wšědneho žiwjenja zhubi a načasna moda so přesadźi.
